“Naec.ge” და სკანდალი გამოცდების ირგვლივ

იმ აბიტურიენტებმა, ვინც 23 აგვისტოს უმღლეს სასწავლებელში ჩარიცხვის შესახებ ინფორმაციის მისაღებად SMS სერვისით ისარგებლეს, გამოცდების ეროვნული ცენტრმა , უმეტეს შემთხვევაში არასწორი ინფორმაცია გაუგზავნა.
როგორც უწყებაში განაცხადეს, იმ მომენტისთვის მიმდინარეობდა მონაცემთა დამუშავება და შესაბამისად აბიტურიენტებმა ბაზაში არსებული, დაუზუსტებილი ინფორმაცია მიიღეს.
გამოცდების ეროვნულ ცენტრში სატელევიზიო ინტერვიუზე უარს აცხადებენ, მათივე თქმით, საბოლო შედეგები ხვალ 25 აგვისტოს გამოქვეყნდება.
რაც შეეხება SMs ით სარგებლობის ღირებულებას, უწყების განცხადებით, აბიტურიენტებს, ვინც ისარგებლა მოკლე დექსტური შეტყობინების სერვისით და იმ პერიოდში მომსახურება მიუწვდომელი იყო, SMS ღირებულება არ დაექვითებათ ბალანსიდან.

ავტორი:
ნიკა აბულაშვილი

რიო 2016-ვარლამ ლიპარტელიანი

შინაგან საქმეთა სამინისტროს ძიუდოს სპორტული კლუბის კაპიტანი, ვარლამ ლიპარტელიანი რიო დე ჟანეიროს ოლიმპიადიდან სამშობლოში გამარჯვებული დაბრუნდა. ლიპარტელიანმა ოლიმპიადაზე ძიუდოში 90 კგ წონით კატეგორიაში იასპარეზა, წარმატებით გაიარა წინასაფინალო შეხვედრები და ფინალში ვერცხლის მედალი მოიპოვა.
გამარჯვებულ სპორტსმენს თბილისის საერთშორისო აეროპორტში შსს-ს დაცვის პოლიციის დეპარტამენტის ხელმძღვანელები, დაცვის პოლიციის თანამშრომლები, გულშემატკივრები და ახლობლები დახვდნენ.
„რიო 2016-ზე“, საქართველოს სახელით, სპორტის 13 სახეობაში 39 სპორტსმენი ასპარეზობს. ქართველმა ძიუდოისტებმა რიოში გამოსვლა უკვე დაასრულეს. ყველაზე მრავალრიცხოვანი ძიუდოს ნაკრები იყო, რომლის შემადგენლობაში შსს-ს ძიუდოს სპორტული კლუბის სპორტსმენებიც იყვნენ.
შსს-ს ძიუდოს კლუბი – “მებრძოლი”, დაცვის პოლიციის მხარდაჭერით, 2014 წლიდან არსებობს. კლუბმა 2 წლის განმავლობაში ევროპის ჩემპიონის ტიტული ორჯერ მოიპოვა.

ავტორი:
ნიკა აბულაშვილი

ვისთვის აშენდა პუშკინის ქუჩაზე ესტაკადა?!

პუშკინის ქუჩაზე ორმხრივი საავტომობილო მოძრაობა გაიხსნა.
სამშენებლო სამუშაოები თბილისის მერიის კეთილმოწყობის საქალაქო სამსახურის დაკვეთით, კომპანია “CRP”-მ განახორციელა და პროექტზე დედაქალაქის ბიუჯეტიდან 4,400,000 ლარი დაიხარჯა.

როგორც დედაქალაქის მერიაში აცხადებენ,
პუშკინის ესტაკადა საცობებისგან განტვირთავს ქალაქის ისეთ მნიშვნელოვან ნაწილს, როგორიცაა: თავისუფლების მოედანს, მაჩაბლის, აფხაზის, ჭანტურიას, ფურცელაძის და სხვა ახლომდებარე ქუჩებს.

ესტაკადასთან დაკავშირებით საკუთარი შენიშვნები აქვს არასამთავრობო ორგანიზაციებს.
როგორც მესამე სექტორში აცხადებენ, აღნიშნული გზა თბილისში საცობების პრევენციას ხელს ვერ შეუწყობს.

ავტორები:
ნიკა აბულაშილი
პატო მერკვილაძე

ქართველი ტანმოვარჯიშე რიოს ოლიმპიადაზე ,,რაჭულის” თანხლებით წარსდგება

19-21 აგვისტოს რიო დე ჟანერიოში კიდევ ერთი ქართცველი ოლიმპიელი, სალომე ფაჟავა წარდგება. ის ოლიმპიური წარმატებისთვის მხატვრული ტანვარჯიშთ იბრძოლებს.
ქართველი ტანმოვარჯიშე რიო დე ჟანერიოში მიმდინარე ოლიმპიურ თამაშებზე რამდენიმე საგნით სხვადასხვა მუსიკის ფონზე ივარჯიშებს, ერთ-ერთი კი “რაჭული” იქნება. გავრცელებული ინფორემაციით, სალომე ფაჟავა პუბლიკის წინაშე რაჟულის ფონით მსაჯების თხოვნით წარდგება.

ავტორი: თათია შაიშმელაშვილი

რა ასაკში არის მზად ბავშვი სკოლაში მისასვლელად

განათლების სამინისტროს გადაწყვეტილებით, 6 წლამდე ბავშვები სკოლაში აღარ დაიშვებიან. სკოლაში მხოლოდ იმ ბავშვებს შეეძლებათ სწავლის დაწყება, რომლებსაც 6 წელი სწავლის დაწყებამდე უსრულდებათ. განათლების სამინისტრომ დააფიქსირა მკაცრი პოზიცია, რომ გამონაკლისების დაშვება არ მოხდება.
ამ საკითხთან დაკავშირებით სოციოლოგი ლიკა ასანიშვილი საკუთარ მოსაზრებას გამოთქვამს და ამბობს, რომ ბავშვი სკოლაში შესასვლელად 6 წლის ასაკშიც არ არის მზად. მისი თქმით, ადრეულ ასაკში სკოლაში შესვლისას ბავშვებს ექმნებათ როგორც ფსიქოლოგიური და ფიზიოლოგიური, ასევე, ჯანმრთელობის პრობლემები.

ავტორი: თათია შაიშმელაშვილი
პატო მერკვილაძე

აგვისტოს ომიდან 8 წელი გავიდა

2008 წლის რუსეთ-საქართველოს აგვისტოს ომიდან 8 წელი შესრულდა. რუსეთმა, რომელსაც რეგიონში სამშვიდობოები ჰყავდა, 2008 წლის 8 აგვისტოს ცხინვალის რეგიონში საკუთარი ჯარების ქვედანაყოფები და მძიმე ტექნიკა შეიყვანა. მომდევნო დღეს, პარალელურად რუსეთმა საქართველოს სხვა რეგიონების საჰაერო დაბომბვაც დაიწყო.

რაც შეეხება ომის ქრონოლოგიას, 2008 წლის დასაწყისიდან მოვლენები შედარებით მშვიდად ვითარდებოდა. მოსკოვის, მისი მარიონეტული რეჟიმებისა და თბილისის მხრიდან პერიოდულად ვითარების დაძაბვის მცდელობისა და პროვოკაციების თაობაზე ურთიერთბრალდებები ისმოდა.

31 მაისს რუსეთმა, რკინიგზის ხაზის აღდგენის მოტივით, აფხაზეთში სარკინიგზო ჯარები შეიყვანა და სამუშაოები დაგეგმილზე ერთი თვით ადრე, აგვისტოს კონფლიქტის დაწყებამდე ერთი კვირით ადრე დაასრულა. პარალელურად, მწვავდებოდა ვითარება ცხინვალის რეგიონში. ქართული სოფლების დაბომბვა თითქმის ყოველდღე მიმდინარეობდა.

ოსურ შეიარაღებულ ფორმირებასა და ქართველ ძალოვანებს შორის ყველაზე სერიოზული შეტაკება პირველ აგვისტოს მოხდა, რომლის შედეგადაც, 6 შეიარაღებული ოსი დაიღუპა, 7 კი დაიჭრა. შეტაკების შემდეგ კვლავ გაგრძელდა ნულის, ავნევის, დვანის და სხვა ქართული სოფლების დაბომბვა.

8 აგვისტოს, დაახლოებით 00:30 საათზე საქართველოს ხელისუფლებამ ქართულ-ოსურ კონფლიქტის ზონაში კონსტიტუციური წესრიგის აღდგენის შესახებ გადაწყვეტილება მიიღო. საქართველოს შეიარაღებული ძალები სეპარატისტული ცხინვალის ფორმირებებთან და რუსულ არმიასთან კონფლიქტში ჩაება. საქართველოს ტერიტორიაზე როკის გვირაბის გავლით და ფსოუს საზღვრიდან 15 ათასამდე რუსი სამხედრო შემოვიდა.

ქართულმა შენაერთებმა ცხინვალი დაიკავეს, თუმცა რუსული ავიაციის იერიშების შემდეგ უკან დაიხიეს. რუსულმა ავიაციამ საჰაერო იერიშები მიიტანა საქართველოს სხვადასხვა ქალაქებში განთავსებულ სამხედრო ბაზებსა და აეროდრომებზე. ორჯერ დაიბომბა გორი, მათ შორის სამხედრო ბაზის ტერიტორია. რუსულმა ავიაციამ თბილისის ვაზიანის ბაზა, სავიაციო ქარხანა, ქვიშიანის მთაზე მდებარე რადარიც დაბომბა. დაიბომბა ფოთის პორტი, სენაკისა და მარნეულის სამხედრო ბაზები. რუსეთის 58-ე არმიამ, ცხინვალისა და სოხუმის რეჟიმების მიერ კონტროლირებად ტრიტორიებთან ერთად, ახალგორის რაიონი, ზემო აფხაზეთი, ზუგდიდი, გორის რაიონის რამდენიმე სოფელი, საჩხერის რაიონის სოფელი პერევი დაიკავა.

5 დღიანმა ომმა საქართველოში რუსული ინტერვენციის შედეგად დაიღუპა საქართველოს 228 მშვიდობიანი მოქალაქე, 14 პოლიციელი, ხოლო 1 747 დაიჭრა . სახლები დატოვა თითქმის 150 000-მა ადამიანმა, მათგან დღემდე დევნილობაში რჩება 30 000-მდე. რაც შეეხება ომში დაღუპულ სამხედრო მოსამსახურეებს, თავდაცვის სამინისტროს მონაცემებით, სულ დაღუპულად 169 სამხედრო მიიჩნევა, აქედან ხუთი უგზო-უკვლოდ დაკარგულია, თუმცა კანონის გათვალისწინებით, ვინაიდან ორი წლის განმავლობაში ვერ აღმოაჩინეს ვერც ცხედარი, არც რაიმე მინიშნება მათი სიცოცხლის შესახებ, მათ გარდაცვლილის სტატუსი მიენიჭათ.

ტელეკომპანია TVmax მისი გადამღები ჯგუფის მიერ მომზადებულ ფოტოკოლაჟს გთავაზობთ.

 

ვინ და რატომ არ მიდის არჩევნებზე?!

4 წლიანი მმართველობა და საოცნებო ხელისუფლება. ვინ უცხადებს მმართველ გუნდს ნდობას? მიდიან თუ არა ამომრჩევლები არჩევნებზე? ნახეთ ჩვენს სიუჟეტში.

10 წელი-სტრატეგიული მილსადენის დაცვის დეპარტამენტის დაარსებიდან

შსს-ს სტრატეგიული მილსადენების დაცვის დეპარტამენტმა, დაარსებიდან 10 წლის განმავლობაში გაწეული საქმიანობა შეაჯამა.
ღონისძიებას შს მინისტრის მოადგილეები და სხვა ძალოვანი სამსახურის თანამშრომლები დაესწრნენ. მილსადენების დაცვის დეპარტამენტის მიერ, დაარსებიდან 10 წლის განმავლობაში განხორციელებული საქმიანობა წარმატებულად შეაფასდა. შეხვედრაზე კავკასიური გაზსადენის გაფართოების პროექტზეც ისაუბრეს, რაც მომავალში აზერბაიჯანიდან საქართველოს გავლით ბუნებრივი აირის ევროპაში ტრანსპორტირებას გულისხმობს.
სტრატეგიული მილსადენების დაცვის დეპარტამენტის წარმომადგენლებმა დამსწრე საზოგადოებას დეპარტამენტის 10 წლიანი საქმიანობა გააცნეს
დღესვე მილსადენების დაცვის დეპარტამენტის რამდენიმე თანამშრომელი მედლებით დააჯილდოვა

ავტორი: ნიკა აბულაშვილი

ახალი სკვერები დედაქალაქში

დიდუბის რაიონის მოსახლოებას შვიდი ახალი სკვერი ექნება. სკვერების მოწყობის სამუშაოები პროექტის მიხედვით მიმდინარეობს. როგორც მერიაში აცხადებენ, ამ ეტაპზე გრანიტის ბორდიურებისა და დეკორატიული ფილების მოწყობის სამუშაოები მიმდინარეობს. სკვერების ტერიტორია ლითონის ღობით შემოისაზღვრება, გარე განათების ბოძები დამონტაჟდება, დაიდგმება საპარკე სკამები და სანაგვე ურნები, ასევე სასმელი წყლის სოკოები. სკვერებში პატარებისთვის გასართობი ზონაც იქნება.

ავტორი: თათია შაიშმელაშვილი
პატო მერკვილაძე